នាព្រឹក ថ្ងៃអង្គារ ទី០៨ ខែមិថុនា ឆ្នាំ២០២១ ឯកឧត្តម ខៀវ មុត ប្រធានក្រុមសមាជិកព្រឹទ្ធសភាប្រចាំភូមិភាគទី៥ និងជាអនុប្រធានគណៈកម្មការទី១ព្រឹទ្ធសភា បានអញ្ជើញ ជួបសំណេះសំណាល សួរសុខទុក្ខ និងស្តាប់សេចក្តីរាយការណ៍អំពីការដឹកនាំរបស់រដ្ឋបាលឃុំក្នុងស្ថានភាពដែលកំពុងប្រយុទ្ធប្រឆាំងនឹងជំងឺកូវីដ១៩ នៅសាលាឃុំតាភេម ស្រុកត្រាំកក់ ខេត្តតាកែវ។ ក្នុងឱកាសនោះឯកឧត្តម បានជម្រុញ និងណែនាំបន្ថែមអំពីការថែរក្សាសុខភាព ប្រកាន់ភ្ជាប់នូវវិធានការ៣ការពារ ៣កុំ និងសូមអោយក្រុមប្រឹក្សាឃុំត្រូវចេះរៀបចំផែនការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ឆ្នាំ២០២២នាពេលខាងមុខ។
មុននឹងបញ្ចប់ ឯកឧត្តមបានឧបត្ថម្ភថវិកាមួយចំនួន ជូនដល់ក្រុមប្រឹក្សាឃុំ, ប្រជាការពារភូមិ, បងប្អូនប្រជាពលរដ្ឋដែលកំពុងធ្វើចត្តាឡីស័កចំនួន៤៤នាក់ និងក្រុមគ្រូពេទ្យចំនួន១៤នាក់។